Autor: Marko Stanišić

RED CARPET

Marko Stanisić

Marko Stanišić

"Kulinarstvo je umjetnost - svoju maštu mogu da prenesem u stvarnost i napravim svoje jelo. Volim jer se u tome osjećam slobodno, bez granica."

Mladi kuvar Marko je za čitaoce gastro.vijesti.me portala napravio jelo za koje je rekao da mu je jedno od najdražih. Zanimljiv spoj ukusa, različitog povrća i piletine je nešto što vas svakako može inspirisati. Nama se svidio način serviranja i kolorit koji je on postigao na smao jednom tanjiru. Na crvenom tepihu od šipka su se našle povrćne poslastice zanimljivog izgleda a jednostavne prirpeme.

Ovo jelo je jedno od mojih najdražih koje sam do sad pripremao. U njemu su se saželi ukusi kroz spoj slatko-slano. Kada pročitate recept, vidjećete kako se piletina može obogatiti, to jest kako da dobije sočnost , mekoću i poboljšanje samog ukusa uz korištenje piva i senfa. Možda vam to ne liči na red carpet kombinaciju, ali prema ukusu, načinu serviranja i prilozima, svakako jeste.

Recept je za jedno serviranje. 

Potrebne namirnice:

  • Pileći file - 0,150kg   
  • Senf - 0,010kg  
  • Pivo svijetlo - 0,005l   

Za ,,Red Carpet“ prilog:

  • Cvekla - 0,010kg
  • Šargarepa - 0,010kg
  • Tikvice - 0,010kg 

Sos od šipka

  • Sok od šipka - 0,010L
  • Šećer - 0,001kg
  • Gustin - 0,002kg 

Za pire od brokula:                

  • Brokuli - 0,050kg 
  • Puter - 0,010kg 
  • Bijeli luk - 0,005kg
  • So - 0,001kg

Za lopticu od heljde

  • Ulje - 0,010L 
  • Heljda - 0,020kg
  • -Žitarice razne (corn flex)

Pire od Karfiola:

  • Karifol  - 0,015kg
  • Puter - 0,005kg
  • So - 0,001kg
  • Đumbir - 0,001kg

Pire od pistaća, graška i jogirta

  • Pistaći -  0,004kg
  • Grašak - 0,005kg
  • Jogurt - 0,005L
  • Bijeli luk - 0,001kg
  • Putera - 0,005kg
  • So - 0,001kg

Priprema:

Pileći file

Posolimo file,  premažemo senfom i stavimo u posudu i prelijemo sa vrlo malo piva i ostavimo  pola sata da odstoji u frizideru. Kada se file marinirao, stavljamo ga u okrugli austeher (kalup) i  potom u pleh i stavimo da se peče na laganoj temperatori. Dok se peče,  povremeno sipamo svijetlo pivo po njemu -  pivo daje poseban ukus i sočnost piletini. Kada je meso pečeno, izvadimo ga iz austehera i kao takvo ej spremno za serviranje.

Pire od brokula

Brokule skuvamo, potom ocijedimo i stavljamo u blender zajedno sa puterom, bijelim lukom. Posolimo po ukusu  i sve to zajedno izblendamo dok masa ne bude kompaktna.

 Loptica od heljde

U posudu stavljamo vodu i ulje i posolimo. Kada voda proključa dodajemo heljdu i miješamo žicom sve doks e ne stvori gusta masa . Od te mase napravimo lopticu i uvaljamo u žitarice (U ovom slučaju to je bila ,,Prirodna mjesavina“ (sjemena lana ,suncokreta,bundeve i susama . Pahulje; psenične , razane , ovsene , ječmene i sojine i začinska bilja)

Za prilog:

Cveklu izrežite na krugove malim kalupima. Prije toga je stavite da odstoji u posudi sa jabukovim sirćetom, uljem i bijelim lukom da se marinira.

Šargarepu očistimo  i operemo i sa strugalicom izvucemo tanji list i potom stavimo u slanu vodu da se kuva. Kada omekša,  taj list umotamo da izgleda kao na slici. Isti postupak uraditi i sa tikvicom.

Sos od šipka

 Uzećemo sok od šipka i sipati u posudu zajedno sa šećerom i mutimo  varjacom dok se šećer ne otopi. Potom dodamo gustin i miješamo dok sos ne dobije gustinu.

Pire od karfiola

Karfiol skuvamo u slanoj vodi. Kada je kuvan ocijedimo ga i stavljamo zajedno sa puterom i sa vrlo malo rendanog đumbira. Sve to izblendamo.

Pire od pistaca, graška i  jogurta

 Grašak skuvamo u slanoj vodi. Kada je kuvan, ocijedimo ga i stavimo u blender. Pistaće isjeckamo ( ili ih blendamo dok se ne usitne) i stavimo u blender zajedno sa graškom. Potom dodajemo puter, bijeli luk, so i jogurt i sve to blendamo dok se namirnice ne sjedine i masa bude kompaktna.

Serviranje

Na oblikovani file stavljamo okrugli austeher (kalup) i preko filea prelivamo pire od brokulia i po sredini postavimo lopticu od heljde i potom sklanjamo kalup i dobijamo oblikovani pire.

Uzmemo sos od šipka u njega umocimo četkicu i povučemo traku po tanjiru , potom na sos stavljamo oblikovanu šargarepu i ispunimo je sa pireom od karfiola: Tikvicu takođe stavljamo na sos i ispunimo je pireom od pistaća, graška i jogurta , potom postavimo i oblikovanu cveklu.

Uz ovo sam servirao oblikovanu heljdu i parče sira .

Vaš komentar