Autor: Gastro.me

5 vrsta voća koje može uzrokovati nadutost

Kad pojedete komad voća, učinili ste nešto dobro za svoje zdravlje, no, neke vrste voća imaju i svoju mračnu stranu – fermentiraju u crijevima zbog čega se stvaraju gasovi, a vaš stomak postaje nadut. Voće  sadrži puno fruktoze, voćnog šećera, i sorbitola, šećernog alkohola, koji izazivaju upale, nadimanje i pritisak u vašem probavnom sistemu.

A neke vrste voća koje pogotovo imaju brojne pozitivne učinke na naš organizam, imaju i ovakav učinak. Ovde je 5 vrsta voća za koje se smatra da posebno često mogu da podstaknu nadimanje. Provjerite kako se osjećate nakon što pojedete nešto od ovoga, i ako osjetite povećanu nadutost, zamijenite ih nekom drugom vrstom voća ili smanjite njihovo konzumiranje:

1. Jabuke

Ko bi rekao?! Ipak, ovo prezdravo voće je puno fruktoze i zbog toga nekim ljudima može prouzrokovati nadutost. Isti efekt ima i sok od jabuke. Pokušajte ih neko vrijeme izbaciti iz ishrane i vidjet ćete da li se vaš stomak smanjuje. Ako vidite promjenu, ubuduće pojedite samo nekoliko kriški.

2. Trešnje

Ovdje je takođe problem fruktoza, ali i šećerni alkoholi – polioli, kao i sama kožica ovog voća koja može biti teška za varenje.

3. Avokado

Zamislite, čak i on. Avokado ima puno alkohola poliola, zbog kojih se voće duže vari, pa tako ima više vremena za fermentaciju u probavnom sistemu. Ako ste naviknuli dobre masnoće unositi uz pomoć avokada, a osjećate stalnu nadutost, zamijenite ga ponekad jajima i provjerite je li se nadutost smanjila.

4. Kruške

Ukusne, slatke kruške mogu pomoći u smanjenju holesterola, ali s druge strane su pune alkohola sorbitola, što znači da lako mogu biti okidač za veliku (i bolnu) nadutost.

5. Suvo voće

Ovaj koncentrovani izvor šećera i vlakana lako može izazvati nadutost. Uvijek kad možete izabrati između svježeg i sušenog voća, izaberite svježe.

Izvor: lepotaizdravlje.rs

Vaš komentar